وبكرة أكيد .. بقلم محمد يوسف

123

وبكرة أكيد
هييجي بفرحة وبأناشيد
وجايب من هدايا العيد
ومالي بالسعادة الإيد
وبالفرح الشموع هتقيد
وجوانا الأمل هيزيد

في بكرة الجي
ما دام القلب نبضه حي
وطالل من عيونه الضي
هيرسم حلم ماله زي
لبكرة أكيد…

يلا احلموا
استنوا بكرة وارسموا
أحلام كتيرة ملونة
ومن الحياة اتعلموا
وعن الأماني اتكلموا
أحلامنا هتطول النجوم
وأملنا مين راح يهزمه

يلا احلموا ببكرة أكيد….
…..

الشمس جية بعد ليل
والمستحيل بقى مستحيل
واللي النهارة نشوفه صعب
باملنا هنخليه جميل
ولو الطريق لقيناه طويل
بالصبر ممكن نوصله
والحلم. هيكون ليه دليل
وبكرة أكيد…..
……
شايفة في قلب الضلمة نور
وهوايا مفروش بالعطور
وسمايا م الفرحة بترقص
على أحلى ألحان الطيور
وبكرة أكيد …

اترك رد

لن يتم نشر عنوان بريدك الإلكتروني.