من ديوانى القادم انتى

40

الشاعر / نبيل معتوق
…..

انتى كل حاجه فيكى ملخبطه
انتى رسمه كده متشخبطه
مين ده اللى يقدر يوصفك
وانتى صدفه مش متخططه

انتى ورقه محتاجه ل قلم
انتى ضحكه ممزوجه بألم
من كتر ظلم الناس عليكى
عايشه الحياه دايما ندم

انتى حزن جاي ف ليل كئيب
مهما بعد بيكون قريب
انتى حد حب لكن ماطالش
عشان مالوش ف الناس نصيب

انتى صوره م قلب الحدث
كان فيا أمل لكن خلص
انا حد جاب اخره و ماقالش
انا هانسحب مهما نقص

انتى الامل و اليأس و الخير و الملل
انتى تجربة مشروع نجاح لكن فشل
انتى اللي مهما كبرتى لسه صغيره
مش لاقيه جواب مفيد للى حصل

اترك رد

لن يتم نشر عنوان بريدك الإلكتروني.