كارونا.. للشاعر احمد شكري

136

في غمضة عين الشوارع بقت من الناس فاضيه
في غمضة عين العالم بيصرخ ويقول يا نجدة
يا عالم الكنايس قفلت ببانها والمساجد فاضيه
يا رب حيات حبيبك محمد متكنشي دي الضربة القاضية

الكل مستخبي ويقول يا ربي أنا توبت عشر توبات
هو كده ابن ادم ميعرفشي ربه إلا في الأزمات
والفسح بقت في البيوت من اوضة النوم للبلكونات
فين شطارتك فين كدبك يا بن ادم يا ابو الافتراءات

فيروس مخفي يخلص ع الكبير والصغير في غمضة عين
صواريخكم فين قنابلكم فين يا بشر ولا علي بعض بس شاطرين
مين فيكم القوي ومين الضعيف والكل مستخبي م الموت خايفين
حكمة من عندك يا رب تزل أمريكا وتزل إسرائيل
والكبار المفتريين

الشوارع فاضيه من الخلق إلا من الحيوانات
فينك يا بن ادم و فين اللي كانوا يقولوا احنا فتوات
حتت فيروس حقير يخليكوا تبكوا في البيوت زي البنات
والله يا امريكا لتشوفي الموت الف مرة وتشربيه كاسات كاسات

يا رب إيه الحكمة من قفل ابواب المساجد
فينا كتير عاصي وفينا كتير برضو صالح عابد
يا رب ملناش غيرك وباب رحمتك واسع
افتح لنا أبواب الكنايس وأبواب المساجد
يا رب يا رب يارب

الشاعر احمد شكري

 

اترك رد

لن يتم نشر عنوان بريدك الإلكتروني.