تخيلوا الراجل إللى فى الصورة ده مصر أعطته ٣٠ من أولادها يعلمهم لعب الكره

72

كتب / علاء عامر
وانا مصر أعطتنى ٦٠ من اولادها(فصل دراسى) تعلمهم الرياضيات والسلوكيات القويمه وأهذب سلوكهم وأنمى فيهم النزعه الوطنيه والدينيه
الراجل ده بيبات هو واللى معاه فى فندق خمس نجوم وبياكل أحسن آكل واحسن لبس
انا ببات فى بيتى وباكل على قد حالى واكمل عشايا نوم انا واللى معايا
الراجل ده لو مرض هو أو اى حد من مجموعته يتعالج فى مستشفيات مصريه انا مااقدرش أعدى من قدامها او فى مستشفيات أجنبيه
أنا لو مرضت انا واللى معايا بنتعالج فى مستشفى مافيهاش دكاتره ولاغلاج ولاسراير
الراجل ده مرتبه ١٦٠ الف دولار فى الشهر وانا مرتبى ١٠٠ دولار فى الشهر
مرتب الراجل ده قد مرتبى الف وستمية مره …تخيل !!!
يبقى ازاى يا مصر هتتقدمى ؟؟؟

ازاي سيبانى فى ضعفى
طب ليه مش واقفة ف صفى
وأنا عشت حياتى بحالها علشان ملمحش فى عينك خوف
وفى بحرك ولا فى برك
ازاي أحميلك ضهرك
وأنا ضهرى فى آخر الليل دايما بيبات محنى ومكشوف

اترك رد

لن يتم نشر عنوان بريدك الإلكتروني.