انا مسجونه جوايا

38

كتبت/عبير الشبرامنتي 
علي قلبي ميت سجان
الاسوار مليه المكان
ضاع مني ملامح العنوان
تاه جوا ذاتي والكيان
مشاعري فاقت حد الجنون
لكنها جوا قلبي عصفور مسجون
انكسر جناحه فين ما يكون
مش عايزة اسمع مبررات
اما ينخرس جواك السوكات
وانت عايز تصرخ باعلي الصرخات
وتتغير ملامحك وقت الاهات
ماتلاقي حد يحس بيك ولو ساعات
احساسي انتحر خلاص ومات
واما ينكسر قلمك وتجف الكلمات
لما يموت جواك الوجود
طاقاتك عدت كل الحدود
كانك هتهد بيها السدود
لما يشتكي منك الالم
يفلت منك الارادة والزمام
تلاقي نفسك عايش في اوهام
عايش جوه نفسك بدون سلام
اما تستسلم لقلوب هدفها الانتقام
اما تصحبك السعادة ثواني
واما تفوق تجري منك اوام
اما تنسي حتي اسمك
واما تستخبي جوا رسمك
اما تتكسر انوثتك جوا نفسك
اما تبص في المرايا لو ثواني
تلاقي نفسك كبرت الف عام
ملت التجاعيد وشك ياحرام
تغمض عينك تسهر ماتنام
يهرب منك الاحلام و النعاس
ويمتلكك الهواجس و الاوهام
بس اكيد هيطلع النهار
هتترتب جوايا الافكار
وهيتفك اسر كل اسير
وهيبقي من ضمن الاحرار
هينكشف كل الاسرار

اترك رد

لن يتم نشر عنوان بريدك الإلكتروني.