الندل مولود ندل

55

الشاعر / رضا عباده                                               الندل بيسبّ عرضك
أفعاله دايما قبيحة
لا تعاتبه يمكن يعارضك
وعتابه يعمل فضيحة
……………….
الندل عايش كما انطاع
عايشينها عالة وعوالة
تنصح ماتنصح وإن طاع
يرجع يعيد القوالة
………………..
الندل ندل بطبيعته
ملعونه سيرته وعتابه
كنت انت ف الأصل بعته
ولاتخطي مرة لعتابه
………….

ياندل تشبه لوطواط
ينعق على سطح بيتنا
عايش حياتك ياواد واط
بتجيب سيرتنا ف غيبتنا
……………
الندل راكب سفينة
غرقان ويومينه كاحلين
مقطوعة راسه بسيفينه
من عين صبايا وكاحلين
…………..
ياندل كان ايه اللي نابك
غير إن سيرتك رذيلة
بتسن ع الخلق نابك
مفضوح مابين القبيلة
……………
……………..
الندل سبّ …الحراير
ولسانه أصبح ك جيفة
ونعومته تشبه حراير
وعامل لي ابن الشريفة
……………
ياندل دا انت اللي معيوب
فعلك خسيس حط شانك
داير تحمم مع قلوب
مفضوح وفعلك دا شانك
…………..
الندل بعته……. وحظرته
ورميته من فوق سفينتي
ولا مرة باسمع ل ظرته
بيقول لي ساكن مدينتي
………………….
ياندل كات فين طباعك
قبل أما اشوفك وريتك
ف السوق دا صاحبك وباعك
وانا ف التراب ليه واريتك
……………….
الندل عامل ملَك ليك
عمال بيدي ف نصايح
وشغال بلوك لوك ولكليك
وافعاله دايما فضايح
……………..
صباح الإبداع

اترك رد

لن يتم نشر عنوان بريدك الإلكتروني.