القطه التي ضحت بحياتها وهي تبحث عن العربيه الحمراء ..💔

كتب / محمد لبيب مصيلحي
رساله للناس اللي بترمي قططها

القطه اترمت من عربيه قدام محل من عربيه (حمراء)
فضلت تجري ورا اصحابها بعد ما رموها بس للأسف مصعبتش عليهم و و سابوها
صاحب المحل اللي اترمت قدامه قالي كل لما تشوف عربيه حمرا كانت تجري عليها و لو واقفة تفضل واقفة قدامها و رافضه تاكل او تشرب

صاحب المحل بيقول القطه اتحولت من قطه شعرها جميل وشكلها جميل لقطه ضعيفه و تعبانه جسمها خس في اربع ايام

و اخيرا النهارده طلعت تجري وراء عربيه (حمرا) زي كل يوم افتكرت أصحابها جايين ياخدوها و داستها العربيه
و ماتت و اترمت كده

ليه تجيب روح وتعشمها فيك وفي الاخر ترميها ..

القطط والكلاب بيحسوا وبيزعلوا علي اصحابهم لو انت نستهم هما مش هينسوك

#جريده مصر الدوليه