الطفل دا تم العثور عليه في صندوق الزبالة في شارع الجلاء بمدينه المنصورة أمام محل زكريا الحلواني ، وتم التأكد من أنه قد توفي

115

كتب/ عبدالهادي الكناني

 زي ماحضراتكم باين بالصور ، والسبب كان عدم التنفس نتيجة بعض المخلفات اللي وقعت عليه داخل صندوق الزبالة

يعني اللي عمل كده ورماه فى صندوق زبالة دا ممكن نسميه إيه ؟

مرض إيه و كورونا إيه اللى بندعى ربنا يرفعه ، أقسم بالله البنى أدمين أخطر من أى مرض يا معدومين الإحساس والإنسانية ، الإنسان هو أقذر و أحقر و أحط المخلوقات على وجه الأرض حاليا ، و لم يرتقى لدرجة حيوان ، بل الحيوانات أطهر و أنظف و أرحم من الإنسان !

عمركوا شفتوا حيوان قتل إبنه أو خنقه أو رماه فى الزبالة أو حرقوا و عذبه ؟!

ياما فى ناس نفسها تبيع اللى وراها و اللى قدامها و كل ما تملك عشان يخلف طفل ، و لكن ربنا له حكمة و هو أحكم الحاكمين !

لكن برضو ما أقدرش أقول غير : “اللهم إرفع مقتك و غضبك عنا ، اللهم ارفع مقتك و غضبك عنا ، اللهم ارفع مقتك و غضبك عنا!”

ولا عزاء لإنسانيتكم

اترك رد

لن يتم نشر عنوان بريدك الإلكتروني.